Кинезот Дацзин стана олимписки шампион со нов светски рекорд

Кинезот Ву Дацзин стана олимписки шампион во спринт на 500 метри на кратки патеки со нов светски рекорд.

Помеѓу освојувачите на медали се и двајцата претставници на Република Кореја, Хван Дехон и Лим Ен Чин.

Дацзин го собори светскиот рекорд во четвртфиналните серии со време 39,8 секунди, откако го подобри остварувањето на Американецот Џон Селски од Калгари во 2012 година.

Во финалето, Ву вторпат го подобри рекордот на денот, совладувајќи ја конкуренцијата со време 39.584 секунди и донесе прво злато на Кина од Игрите во Пјонгчанг и прво воопшто за земјата во оваа дисциплина.

Со триумфот, 23-годишниот Ву го подобри своето достигнување од Олимпијадата во Сочи пред четири години, кога беше втор на 500 метри.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.