Радио водителка се породи „во живо”

Американската радио водителка Кесиди Проктор во својата утринска емисија го пренесуваше своето – породување „во живо“.

Водителката од Сент Луис, Мисури, се одлучи на овој потег, за да го исполни ветувањето и „да ги сподели сите свои најинтимни моменти со верните слушатели“, кои од самиот почеток ја следеа нејзината бременост. Инаку, на крајот бил неопходен и „царски рез“.

Додека била во болницата, Кесиди прво побарала дозвола за снимање, а потоа замолила едно од медицинските лица да и го придржи телефонот, додека слушателите, заедно со неа и нејзиниот сопруг Џери, „го дочекуваат доаѓањето на нивниот син на свет” – во радио емисија во живо.

– Ево го!, се слуша гласот на сопругот, во моментот кога малиот Џејмсон беше роден.

Прашана потоа дали била нервозна што тој посебен момент ќе биде пренесуван во живо, таа одговори дека „била нервозна само поради носењето на детето на свет”, а емисијата е нешто што „таа го прави секој ден“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.