Едно лице повредено при гасењето на пожарот кај Зелено пазарче

Педесет и тригодишниот Е.Х. се здобил со повреди при гасењето на пожарот што избувна денеска на Зеленото пазарче во Скопје.

Од Министерството за внатрешни работи информираат дека лицето се здобило со изгореници на двете дланки и било пренесено во ГОБ „Свети Наум Охридски“, каде што му е укажана лекарска помош.

Денеска околу 16:30 часот на Зеленото пазарче од непознати причини дојде до пожар на 4 тезги, од кои една целосно и три се делумно опожарени. Пожарот е локализиран од страна на екипа на БППЗ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.