Првиот човек на Реал до Роналдо: Ако си одиш, ќе те замени Меси

Претседателот на Реал Мадрид, Флорентино Перез упатил интересна закана кон својата ѕвезда Кристијано Роналдо во 2012 година, кога Португалецот сакал да премине во ПСЖ, открива француско списание „Франс Фудбал“.
– Сакам да одам во Париз. Таму, луѓето навистина ќе ме сакаат. Французите ќе бидат толку задоволни дека играм во нивното првенство, што медиумите ќе направат кампања во моја корист за да ја освојам „Златната топка“, напишал Роналдо во порака до Перез, откако побарал повисока плата.

По оваа СМС, првиот човек на „кралскиот“ клуб се сретнал со Португалецот и му рекол: „Најди клуб кој ќе плати 200 милиони евра за тебе, а со тие пари ќе ја платам клаузула во договорот на Меси, кој ќе те замени“.

Се разбира, друга тема е дали Меси би прифатил трансфер во Реал во тоа време, кога Барса доминираше во Европа

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.