Македонските олимпијци почнуваат во вторник

Првите битки за медали на ЗОИ во Пјонгчанг почнуваат утре, ќе се одржат пет финални дисциплини, а настапот на македонските спортисти ќе стартува в дури во вторник, на 13 февруари.

Ќе отворат нордиските тркачи, Ставре Јада ќе излезе прв на борилиштата во трката во спринт, а ќе има шанса да се покаже и на 15 километри слободно, на 16 февруари. Во меѓувреме, ќе настапи 17-годишната Викторија Тодоровска, на трката на 10 километри слободно закажана за четврток, 15 февруари.

Последен е алпинецот Антонио Ристевски во велеслалом на 18 февруари и во слалом на 22 февруари, терминот за сите настапи ќе го пресметуваме со разлика од осум часа од локалното време во Пјонгчанг. Ова е седма Зимска олимпијада за самостојна Македонија, но извесни се очекувањата дека и неа ќе ја проследиме без бележит резултат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.