Најдобриот мотивациски говорник на Балканот Дарко Мирковиќ гостува во Скопје

Во понеделник, 12 февруари во 18.30 часот во хотел „Арка“ во Скопје, ќе гостува најдобриот мотивациски говорник на Балканот, Дарко Мирковиќ. Настанот е во организација на Асоцијацијата на менаџери на Македонија (АММ).

– Мојата животна цел е да допрам до што поголем број на луѓе за да ги постават и остварат своите цели, и при тоа да го зголемат својот личен потенцијал – изјави Дарко Мирковиќ во едно неодамнешно интервју.

Еден од најдобрите светски мотивациски говорници, Брајан Трејси, за Мирковиќ вели дека е голем експерт кој може да му помогне на секого.

Мотото на Дарко Мирковиќ е: „Верувај и направи!“ и одлично се поклопува со методот на работа на Асоцијацијата на менаџери на Македонија (АММ).

Резултатите од неговите тренинзи се видливи: зголемена продажба, поголема продуктивност во работата, поголем профит на компанијата, поголеми лични резултати и резултати на вработените.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.