УХМР: Утре врнежи од дожд, а за викенд вистински потоп

Промена на времето со врнежи од дожд се очекуваат во текот на утрешниот ден. Утре претпладне ќе има услови за слаб локален дожд во југозападниот дел од државата, а веќе од средината на денот во западните делови ќе почнат врнежи од дожд со слаб до умерен интензитет кои попладне ќе преминуваат кон исток.

На високите планини врнежите ќе бидат од снег. Ќе дува умерен до засилен ветер од југоисточен правец кој ќе биде најизразен долж Повардарието.

УХРМ за четврток и петок најавува стабилно време, а нов влажен бран со пообилни врнежи се очекува за време на викендот.

Утринава во поголем дел од државата е ведро и посвежо со слаб југоисточен ветер. На југоисток има мала до умерена облачност, а слаба магла има во Демиркаписко. Температурата ќе биде во интервал од 8 до 14 степени. Во Скопје слично време со температура до 13 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.