Адмирал Ставридис: Ги разбирам чувствата за името, но се надевам на решение

Поранешниот висок воен претставник на НАТО, адмирал Џејмс Џорџ Ставридис, се надева дека ќе биде постигнато решение за спорот за името меѓу Грција и Македонија, за да може земјата да влезе во Алијансата.

– Решение кое бара поранешната југословенска република да го смени своето име во некое што е прифатливо за Грција, изјавил Ставридис во интервју за „Грикрипортер“.

Ставридис, кој сега работи како декан на универзитет на Флорида и е еминентен член на грчката американска заедница, вели дека „ги разбира чувствата за името и разбира дека тоа е предизвик за грчката јавност“. Но, исто така нагласува дека е важно балканот да се консолидира и да биде внесен во трансатлантскиот свет и во НАТО.

– Поранешната југословенска Република Македонија е партнер на НАТО и силен контробутор и има многу што да и понуди на Алијансата, рече Ставридис.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.