Министерството за здравство ќе ги утврдува околностите за тврдењето дека е исчезнато бебе

Во врска со настанот на Клиниката за гинекологија, за наводно исчезнато бебе, за кој објавија дел од медиумите, Министерството за здравство со допис информира дека е разговарано со директорката на Клиниката.

– По спроведување на законските процедури и утврдување на околностите, дополнително ќе ја информираме јавноста, наведуваат од Министерството за здравство.

Дел од медиумите објавија изјава на татко кој тврди дека е исчезнато неговото женско новороденче. Според него, бебето што го видел вчера по раѓањето не е истото што му било покажано денеска, затоа што било означено со погрешно презиме. Поради тоа, тој се сомнева дека тоа новороденче е неговата ќерка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.