Хеликоптер се урна врз куќа

Три лица загинаа, а две се повредени кога хеликоптер се урна врз куќа во Њупорт Бич, Калифорнија. Во хеликоптерот во моментот на несреќата имало 4 лица.

Според очевидци, пред да се урне леталото можело да се види чад. Соседката Педи Фобијон раскажува:

„Истрчав надвор… Како да е воз кој доаѓа накај тебе, мислев дека е воз, толку беше гласно. Кога истрчав сѐ што видов се последиците, прашината.“

Кенди Региц, исто така соседка, видливо возбудена вака го доживеала падот на хеликоптерот:

„Помислив дека нешто набрзо ќе падне врз мојот покрив, го грабнав кучето, истрчав надвор и тогаш сфатив дека не е мојата куќа, но се гледаше чад и урнатини наоколу, позади мојата куќа.“

Хеликоптерот прво останал да виси на еден покрив, а потоа се урнал долу и удрил во ѕид од друга куќа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.