Шилегов: Додека сум градоначалник на Скопје, водата за пиење нема да поскапи

Градоначалникот на Град Скопје Петре Шилегов, нема да дозволи покачување на водата за пиење.

Тој денеска ги повлече од дневен ред точките 25, 26 и 27 од дневниот ред на петтата седница на Советот на Град Скопје која што се одржува во моментот.

– Додека сум градоначалник на Град Скопје нема да дозволам заради манипулаторски однос на Регулаторната комисија да се покачи цената на водата за пиење во Скопје – изјави Шилегов.

Шилегов синоќа гостуваше во Ноќно студио на Телма и најави како ќе постапи по одлуката на владата дека не е обврзувачка одлуката на Регулаторната комисија да биде покачена цената на водата. За него Регулаторната направи циркус со одлуката за покачување на цената на водата

– Утре на дневен ред на седница на град Скопје е и одлуката на Регулаторната комисија цената на водата да биде покачена. Ќе одлучам утре можеби и ќе ја повлечам точката од дневен ред – рече Шилегов синоќа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.