Каролина Возњацки го освои Австралија опен

Каролина Возњацки го освои Австралија опен откако во големото финале ја совлада Симона Халеп со 2-1, по сетови 7:6, 3:6 и 6:4.

Двете тенисерки иако се мачеа со повреди прикажаа фантастичен тенис на задоволство на сите на „Род Лејвер“ арената и на оние пред малите екрани. Со оваа победа Данката се врати на првото место на ВТА ранг-листата.

Ова беше трет обид на Возњацки да дојде до грен слем трофеј, откако претходно два пати губеше во финалињата на УС Опен.

Утре на програмата е машкото финале помеѓу Роџер Федерер и Марин Чилиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.