Заев го шири „пријателството“ и на исток и на север

Премиерот на Бугарија, Бојко Борисов денеска во Давос ја поздрави волјата на македонскиот премиер Зоран Заев со која работи за евроатлантските интеграции и го охрабри да продолжи со преговорите со Грција за изнаоѓање на конечно решение за спорот за името, пренесува „БГНЕС“.

Борисов и Заев денеска имаа средба на маргините на Светскиот економски форум.

„Дискутираме за иднината на Европа и за забрзување на развојот на Западен Балкан“, напиша Заев на својот официјален твитер-профил.

#ZZ & #BB Discussing the future of Europe and accelerating development of Western Balkans. #WEF18 #Davos pic.twitter.com/ZzPVoRcC7Y

— Зоран Заев (@Zoran_Zaev) January 25, 2018

Пораката на Борисов доаѓа еден ден по средбата меѓу Заев и неговиот грчки колега, Алексис Ципрас.

Борисов во рамките на годинешната средба на Светскиот економски форум рече дека „има една неправда, која Европа мора да ја поправи – Западен Балкан“.

– Овие земји прават се што е неопходно, и колку што имаат сили, за да одговорат на поставените барања, а ние, нивните соседи, партнери, државите од ЕУ, исто така треба да направиме се што е неопходно за да го придвижиме процесот на нивната интеграција – истакнал Борисов, стои во соопштението на бугарската влада.

Заев денеска имаше средба и со српскиот претседател Александар Вучиќ.

„Пријателството и соработката се клучни за интеграцијата на Западен Балкан во ЕУ. Заеднички се движиме напред“, напиша Заев на „Твитер“ за средбата со Вучиќ.

Friendship and cooperation are crucial for WB integration in EU. We move forward together! #MKD #SRB #Davos #WEF18 pic.twitter.com/9oa5LiPkud

— Зоран Заев (@Zoran_Zaev) January 25, 2018

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.