Зидан призна: Позицијата ми е загрозена, најверојатно ќе заминам!

Реал Мадрид синоќа доживеа шокантна елиминација од Купот на кралот, откако на домашен терен загуби од Леганес 1:2.

Тренерот на „кралевите“ Зинедин Зидан ја презеде одговорноста на себе и призна дека неговата позиција во Реал е сериозно загрозена.

„Ги победивме во првиот натпревар, но денес одигравме многу лошо. Резултатот е фер затоа што не го постигнавме тоа што го сакавме. Ова е неуспех и ја превземам одговорноста. Не разбирам како се случи тоа, не можам да го објаснам. Победивме со 1:0 во првиот натпревар, а на крајот сепак испаднавме. Дали сум лут на играчите? Не, лут сум само на себе“, изјави Зидан.

Реал веќе испадна и од трката за титулата во Примера, а сега останува само борбата во ЛШ.

„Мораме да им се извиниме на навивачите и да се посветиме на ЛШ. Позицијата ми е загрозена и ако не го победиме ПСЖ тоа ќе биде голем удар и најверојатно ќе заминам од Реал“, додава Французинот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.