Елтон Џон ќе прави пауза, се откажува од турнеи и големи концерти

По 50 години поминати на бина насекаде низ светот, легендарниот музичар Елтон Џон се откажува од турнеи и големи концерти.

Според музичките медиуми, Џон се решил на ваков чекор поради влошената здравствена состојба.

Минатата година Сер Елтон Џон помина извесен период на интензивна нега откако му беше дијагностицирана бактерија опасна по неговиот живот.

„Знаев дека сум болен но не знаев дека имам таква опасна бактерија во мене се додека не добив снимка. Ќе умрев да не правев операција“, рече тогаш Џон.

лтон Џон кариерата ја започна во 70-тите години, а неодамна изјави дека размислува да ја напушти музичката индустрија за да помине повеќе време со своите синови Закари и Илајџа.

Елтон Џон е отворен во јавноста за својата хомосексуалност и беше гласен борец за правата на ЛГБТ заедницата.

Тој е во брак со Дејвид Фарниш, кој исто така е негов менаџер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.