Професорот Апасиев му се закани на Заев со 5 години затвор

Професорот на штипскиот универзитет Гоце Делчев и член на раководството на партијата Левица го предупредува премиерот Заев дека може да се соочи зо затворска казна од 5 години ако ја доведе Македонија во позиција на потчинетост во однос на Грција.

Пред денешната средба меѓу премиерите Заев и Ципрас во Давос, Швајцарија, Апасиев цитира законска основа за кривично гонење на претседателот на владата.

“Во очи на денешната средба Заев-Ципрас во Давос, да се потсетиме на член 308 од Кривичниот законик:
„Граѓанин на РМ кој ќе ја доведе Република Македонија во положба на ПОТЧИНЕТОСТ или зависност спрема некоја друга држава, ќе се казни со затвор најмалку пет години“ ;)”, пишува еден од најдобрите научници од правните науки во Македонија.

Апасиев кој во 2009 година заедно со професорот Шкариќ и група студенти беше коавтор на книга која ги објаснува правните и политичките аспекти на спорот за името.

Апасиев со своите предупредувања алудира на можноста премиерот Заев да постигне штетен договор за името со Грција и така да создаде основа за кривично гонење.

Пред десетина дена Заев изјави дека Македонија нема црвени линии во спорот со Грција.

Апасиев беше жесток критичар и на политиките на ВМРО – ДПМНЕ додека беше на власт.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.