Почина Тинки Винки

Сајмон Шелтон Барнес (52) кој го играше Тинки Винки во детската телевизиска серија „Телетабиси“ почина.

Сајмон беше танчер и кореограф кој ја презеде улогата на еден од Телетабисите.

Еднаш изјави дека презел голем ризик при изборот на професијата.

-Јас кариерата ја започнав како танчер и така почнав да работам како кореограф. Мислев дека тоа е малку ризичен потег, но се исплатеше сигурно, рече Сајмон и додаде:

-Имав многу фанови меѓу децата и родителите. Бевме како Битлси.

Актер облечен како Тинки Винки утрово е претставен на Лондонскиот саем за играчки во Олимпија во чест на починатиот актер.

Синот на Барнес Хенри по повод смртта на таткото изјави:

-Во средата го загубив својот прекрасен татко, беше најздрав и најнежен човек што сум го познавал и го сакав повеќе од било што. Додека бев дете, ми беше срам што е танчер и актер, но сега не можам да бидам погорд. Сега е на подобро место и знам дека не би сакал да сум тажен, така што ќе го живеам својот живот онака како што тој би сакал.

„Телетабиси“ беше детска емисија првобитно емитувана на Би БИ Си меѓу 1997 и 2001 година.

Тинки Винки прво го играше Дејв Томпсон, кој сега е познат комичар, а наводно е отпуштен поради погрешното толкување на улогата и навестувањето дека овој Телетабис е геј.

Барнс рече дека сексуалноста на ликот е прашање кое често му е поставувано поради тоа што Тинки Винки постојано носел торбичка во рацете.

Актерот ќе биде кремиран на 7. февруари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.