ДУИ ќе бара укинување на патните трошоци за пратениците за да не се мета на новинарите

Пратеникот на ДУИ Џеват Адеми на комисиската расправа за труд и социјална политика во Собранието, најави амандман со кој ќе се бара укинување на сите патни трошоци за пратениците.
-На овој начин треба да ги испровоцираме и другите функционери, а со тоа, да не сме ние на мета постојано. Еднаш да работимe за народот и да се жртвуваме, за новинарите да не пишуваат за нас, рече Адеми.
Џеват Адеми му реплицираше на Павле Богоевски, вејеќи му дека треба да се согласи со него, а пак ова решение за него е привремено.

На денешната комисиска расправа се аргументираше за законските измени кои ги предложи пратеничката група на СДСМ, кои бараа намалување на патните трошоци од 30% на 20% од потрошените средства за платено гориво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.