Шведска ја совлада Белорусија

Голманот Андреас Паличка ја предводеше Шведска во првата победа од Главната фаза на Европското ракометно првенство во Хрватска. „Викинзите“ без проблеми и очекувано ја надиграа Белорусија со 29:20 и ги задржаа шансите за полуфинале пред одигрувањето на последниот меч во Групата 1.

Во „Арена Загреб“, Паличка ги спушти „ролетните“ на својот гол и со 20 одбрани и еден погодок беше најзаслужен за двата бода на својата репрезентација и оправдано на крајот беше избран за најдобар играч на натпреварот. Хампус Ване и Албин Легергрен двајцата со по четири голови го предводеа нападот на Шведска. Артсем Каралек и Улаѕислау Кулеш, исто така со по четири погодоци, беа најдобри стрелеци во поразениот тим.

Разултати 2. коло – Група 1:

Србија – Франција 30 – 39

Шведска – Белорусија 29 – 20

Двојки 3. коло (24 јанури):

Србија – Белорусија 16:00

Шведска – Норвешка 18:15

Хрватска – Франција 20:30

Табела:

1. Франција 8 бодови

2. Хрватска 6

3. Шведска 6

4. Норвешка 4

5. Белорусија 0

6. Србија 0

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.