Се качувал преку прозор во воз на тргнување – тркалата му ги отсекле двете нозе

Воз му ги отсекол двете нозе на 35-годишен маж кој се обидел да се качи преку прозор во воз на тргнување, вчера во Монца, Италија. Тој се фатил за отворениот прозорец но не успеал да се додржи, паднал и нозете му завршиле на шините. Машиновозачот воопшто не бил свесен за инцидентот, па шокираните лица присутни на станицата морале да чекаат да поминат сите вагони пред да му укажат помош на лицето со потекло од северна Африка кое лежело на шините без двете нозе. Тркалата на возот му ги ампутирале нозете некаде во висина на потколеницата. Итно бил пренесен во болница каде што се наоѓа во критична состојба.

Железничката полиција ќе отвори истрага за настанот бидејќи постојат сомневања дека постои еден вид на мода меѓу помладите кои често се обидуваат да го направат ова опасно качување во воз. Наводно настраданиот и претходно се качувал преку прозор во воз на тргнување, а машиновозачите во неколку настани пријавиле дека одредени лица меѓу кои имало и малолетници од забава си го ризикувале животот правејќи го истото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.