Црвен аларм ширум Европа: Силни ветрови тркалаат луѓе по улици, крави летаат на небо (видео)

Сите летови на амстердамскиот аеродром Шипхол се откажани, во Британија повеќе домови останале без струја,а наставата во училишта ширум Германија е откажана поради бурата која го погоди северозападниот дел на Европа.

Силните удари на ветерот најдобро се гледаат на видеото кое се рашири на социјалните мрежи , а на кое се гледаат луѓе како се тркалаат по улици под налет на ветарот.

Холандскиот метеоролошки институт издал за поголем дел од земјата предупредување со ознака „црвено“ кое е највисоко можно за временските услови.Условите на возење во поедини делови на Шкотска се исклучително опасни, а претставници советуваат возачите да избегнуваат возење поради силните ветрови, снег и мраз.И во поедини белгиски градови бурата уривала стебла, а авио-сообраќајот на меѓународниот сообраќај Завентем е изменет.

Властите ги предупредиле граѓаните, посебно во западниот и северен дел на Германија да не ги напуштаат своите домови.

Германските медиуми пренесуваат дека на поедини патишта на северот до судири доаѓа „секоја втора минута“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.