Столтенберг ги почна средбите со македонскиот државен врв

фото Република

Генералниот секретар на НАТО Јенс Столтенберг се сретна со министерот за надворешни работи на Македонија Никола Димитров, со што ги почна средбите со државниот врв на земјата. Столтенберг вчера пристигна во официјална посета на Скопје, а по разговорите со Димитров ќе се сретне со претседателот Ѓорге Иванов и со министерката за одбрана Радмила Шекеринска.

Првиот човек на НАТО попладне ќе им се обрати на пратениците во Собранието, каде ќе има средби со претседателот на Парламентот Талат Џафери, со лидерот на ВМРО-ДПМНЕ Христијан Мицковски и со лидерот на ДУИ Али Ахмети. Официјалните активности Столтенберг ќе ги заврши со средба со премиерот Зоран Заев во Владата, каде ќе биде пречекан со највисоки почести, а по средбата е предвидена заедничка прес-конференција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.