Кичевец фатен на дело додека го полнел џипот со оружје

Од страна на полициски службеници од Кичево, на 11-ти јануари годинава во домот на С.Ѓ. (49) бил извршен претрес, при што неговиот син Ј.Ѓ. бил забележан како во џип „Чироки“ со кичевски регистарки ознаки, става огнено оружје.

Полицајците извршиле преглед во возилото, при што биле пронајдени и одземени: три пиштоли, една автоматска пушка, една полуавтоматска пушка, ловна и воздушна пушка, рачна бомба, една граната за светлосен сигнал, една звучна граната, топовски удар, повеќе оквири за автоматска и пиштолска муниција и околу 270 парчиња пиштолска и автоматска муниција.

Ј.Ѓ. бил лишен од слобода и однесен во Полициската станица – Кичево, а од страна на судија на претходна постапка одредена му е мерка притвор во траење од 30 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.