Али Ахмети заминува од лидерската позиција во ДУИ?

Лидерот на ДУИ Али Ахмети наскоро ќе ја напушти челната позиција во ДУИ, тврди аналитичарот Даме Чкатровски.

Во емисијата „60 минути со Горан Момироски” на ТВ Алфа, Чкатровски кој важи за близок на влијателни структури во СДСМ вели дека Ахмети до јуни се повлекува од претседател на ДУИ.

Други неофицијални информации од ДУИ велат дека е можно Ахмети да се повлече по приемот на Македонија во НАТО во јули, но и дека е можно неговото демисионирање да се случи уште во февруари идната година.

Ахмети е лидер на ДУИ од нејзиното формирање во 2002 година кога од воена формација со помош на западни советници се трансформираше во политичка партија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.