Ќе падне ли конечно снегот: Секој четврток УХМР најавува дожд и снег

Во следните два дена времето ќе биде претежно облачно, а по котлините со појава на магла и ниска облачност. Од четврток попладне следува период на променливо облачно време со повремени врнежи од дожд, а на планините од снег.

Како што информира Управата за хидрометеоролошки работи, повеќе врнежи се очекуваат в сабота и в понеделник, кога поради спуштање на постудена воздушна маса, врнежи од снег можно е да има и на некои повисоки места.

Минималната утринска температура в четврток ќе се движи од минус 2 до четири, а дневната од шест до 13 степени. Најстудено ќе биде в недела, со утринска температура од минус четири до два, а дневна од два до седум степени. 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.