Турска пратеничка осудена на девет месеци затвор за навреда на претседателот

Турска пратеничка од прокурдската Демократска партија на народите (ХДП) е осудена на девет месеци затвор за навреда на претседателот, јавија турските медиуми повикувајќи се на извор од судот.

Пресудата за пратеничката Лејла Бирлик била издадена од судот во југоисточниот град Шернак.

Бирлик беше уапсена на 4 ноември 2016 година и беше ослободена четири месеци подоцна. Пред извесно време таа беше обвинета за членство во терористичка група.

Во моментов во затвор се наоѓаат девет пратеници на ХДП кои се обвинети за тероризам. Меѓу уапсените се потпретседателот на партијата Селјахатин Демирташ и поранешната партиска потпретседателка Фиген Јуксекдаг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.