Над 1,8 милиони платежни картички се користат во Македонија

Над 1,8 милиони платежни картички користат граѓаните во Македонија. Најголемиот дел од корисници се физички лица, а од брендовите најзастепен е „Виза“.

Податоците на Народната банка на Република Македонија покажуваат дека вкупно има издадено 1.862.240 платежни картички од кои физичките лица користат 1.830.948, а правните лица 31.292 картички.

За разлика од големата бројка на платежните картички, вкупно во Македонија се издадени 19.348 картички за купување на Интернет, од кои на физички лица се 19.300, а 48 на правни лица.

Од вкупно издадените картички, кредитни се 372.413 од кои 362.591 се на физички лица, а 9.532 се на правни лица. Дебитна функција имаат 1.442.072 картички.

Најмногу од издадените картички се од брендот „Виза“ 1.096.707, на „Мастеркард“ отпаѓаат 667.907 картички и преостанатите бреднови се застапени со 78.278.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.