Новогодишна џез бајка во Битолскиот театар

На сцената на Народниот театар во Битола вечерва (28 декември) со почеток во 20 часот ќе биде прикажан музичкиот проект насловен „Квинтет фрагмент“ или Новогодишна џез-бајка, со што ќе биде означен крајот на театарската сезона за оваа година…

За публиката ќе бидат изведени некои од најубавите новогодишни џез композиции кои ги пееле Дин Мартин, Френк Синатра, во аранжман на Давор Нечак. Вокал е Јасна Мажевска, а настапуваат Давор Нечак, Дарко Бошков, Стефан Тасевски, Марјан Павловски.

Специјални гости се: Маја Андоновска Илијевски и Даниела Радевска (на виолончело). Влезниците се пуштени во продажба по цена од 150 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.