Опозицијата во Хондурас бара поништување на претседателските избори

Опозицијата во Хондурас бара поништување на реизборот на претседателот Хуан Орландо Ернандес поради изборни измами. Тие поднесоа жалба до Изборната комисија.

Опозицијата во Хондурас, ја поднесе жалбата и покрај тоа што во петокот нејзиниот кандидат Салвадор Насрала изјави дека повеќе не ја оспорува победата на Ернандес на претседателските избори што беа одржани на 26 ноември, откако САД ја поздравија победата на 49-годишниот конзервативец.

И покрај повлекувањето, Насрала повторно се сретнал со Селаја со цел да изготват стратегија за мобилизирање на народот, доколку жалбата биде отфрлена.

На изборите во Хондурас, Ернандес победи со 42,95 отсто од гласовите, наспроти 41,42 отсто кои ги освои Насрала. Меѓутоа, кога беа објавени прелиминарните резултати, со пребројани 57 отосто од гласовите, Насрала водеше со значителна разлика пред Ернандес.

По многубројни прекини во системот за пребројување на гласови на Изборната комисија, сепак Ернандес повторно беше прогласен за претседател на Хондурас.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.