Нетанјаху самоуверено: Среќен Божиќ од Ерусалим, престолнината на Израел

Израелскиот премиер Бенјамин Нетанјаху им го честиташе Божиќ на верниците кои што го слават големиот христијански празник по Грегоријанскиот календар во обраќањето од Ерусалим.

Нетанјаху пораката со наслов „Среќен Божиќ од Ерусалим, престолнината на Израел“ ја упати синоќа преку видео снимка објавена на Твитер. На снимката во позадина се гледа источниот дел од Ерусалим, област полна со еврејски, христијански но и муслимански свети места.

Станува збор за дел од градот кој што Палестинците сметаат дека е свој и имаат намера да биде главен град на нивната идна држава.

Израелскиот премиер Бенјамин Нетанјаху во пораката го опиша Израел како рај за двопроцентното христијанско малцинство кое што живее во еврејската држава.

„Ние ги штитиме правата на сите луѓе да се молат во светите места зад мене“, истакна Нетанјаху во едноминутното видео, наведувајќи неколку христијански свети места во Израел кои што се посетувани од верниците ширум светот. Посетувањето на тие места, според Нетанјаху, би ги довело Христијаните „до стапките на Исус и потеклото на нашето христијанско-еврејско наследство“.

„На тие кои што ќе дојдат во Израел, ќе им бидам водич“, порача Нетанјаху додавајќи дека тоа ќе се случи на Божиќ идната година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.