Груевски: Жалам што некои беа погодени од моето обраќање на 27 април, но некој мораше да истури кофа со ладна вода

Тепањето во Парламентот од одредени поединци поведени од емоции и патриотски чвуства на 27 април беше голема грешка, иако беше директно и обмислено испровоцирано од владејачките партии и нивните позадински подржувачи. Неслучајно јас таа ноќ имав толку остра прес конференција. Знаев што следува, знаев дека прстот ќе се впери кон ВМРО, и дека со тој чин ќе се создаде перцепција во која најголем губитник ќе биде токму ВМРО-ДПМНЕ, и се разбира граѓаните кои наседнаа на стапицата – рече Никола Груевски во денешниот говор пред насобраните делегати кои се дел од 16. Конгрес на ВМРО-ДПМНЕ, на кој се бира нов партиски претседател.

Тој искажа жалење што дел од поддржувачите на ВМРО-ДПМНЕ биле погодени од тоа негово обраќање, но, како што вели, некој морал да истури кофа со ладна вода, и да ја каже вистината во тој момент колку и тоа да изгледало брутално и бесчуствително.

–Сите ние ги поддржувавме мирните протести на еден или на друг начин, тие беа од корист за Македонија, тие беа оправдани, и со патриотски карактер, а не шовинистички, но кога толпата луѓе ќе почне самата да води политика водена од емоции, се прават кардинални грешки. Затоа постојат водачи и тие треба да се следат од толпата а не таа по емоции да крои политика – рече Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.