Казна од 500 евра за неквалитетно маслиново масло во рестораните во Грција

Со почетокот на 2018 година во соседна Грција започнува и забраната за служење наливно масло во рестораните, а доколку ја прекрши забраната, тогаш угостителот ќе плати казна од 500 евра.
Оваа забрана доаѓа откако повеќе пати било посочено дека се служи неквалитетно масло на гостите и дека на овој начин ќе се заштитат и потрошувачите, кои често се туристи од други земји.

Регулативата предвидува во рестораните да се употребува масло во запечатени шишиња за еднократна употреба. На етикетите мора јасно да е напишано каков е квалитетот на производот внатре. Откако ќе се потроши маслото, шишињата треба да се фрлат, а не повторно да се користат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.