На улица „Босна и Херцеговина“ синоќа 16-годишнио Б.Т. и 16-годишниот Т.Д. околу 18 часот биле физички нападнати од поголема група на машки лица на возраст од околу 16-18 години.
Околу полноќ, на местото на настанот се упатил 45-годишниот Т.З. од Скопје и забележал како неговиот син Т.Д. го носеле негови другари и братучеди, кои му кажале дека не му е добро и дека има вртоглавица, по што го однел во Ургентен Центар „Мајка Тереза“ за укажување на лекарска помош.
Во разговорот со неговиот син истиот појаснил дека додека бил заедно со неговите другари физички биле нападнати од поголема група на лица при што ја изгубил свеста.
На Т.Д. во пределот на левото рамо му била нанесена повреда расекотина со тврд предмет, најверојатно од нож.
Малолетникот појаснил дека до физичкиот напад дошло откако претходно неговиот другар имал расправија со напаѓачите во дворот на Училиштето „Зефљуш Марку“.
Се преземаат мерки за пронаоѓање на сторителите и целосно расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
