Харадинај: ЕУ во март ќе ги укине визите за Косово

Премиерот на Косово, Рамуш Харадинај, изјави дека Европската Унија во март следната година, по прославата на десетгодишнината од независноста, ќе ги укине визите за граѓаните на Косово, а тогаш Безбедносните сили ќе се трансформираат во Војска на Косово.

-Граѓаните на Косово ќе може да патуваат без визи најдоцна од крајот на март следната година, а може и порано. Исто така тој месец Безбедносните сили ќе се трансформираат во Војска на Косово, рекол Харадинај.

Тој најавил дека на 18 декември во Брисел меѓу другото ќе се разговара и за овие прашања.

Ова е првпат Харадинај да изнесе одреден датум за решавање на прашањата како што се либерализацијата и формирањето косовска војска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.