Истражен судија му изрече осум дена притвор на уредникот на порталот Охрид Скај, Сашо Деносовски, откако против него беше поднесена кривична пријава за заплашување и загрозување на безбедноста на охридскиот градоначалник, Никола Бакрачевски.
Според информациите на МВР, на 17. јуни годинава, Деносовски, преку возачот вработен во општината, упатил закани и навреди до Бакрачески. Уредникот на Охрид Скај барал и потврда дека градоначалникот ги добил неговите закани.
Минатата недела, пак, Деносовски барал вакви услуги и од друг вработен во Општината, пред кого исто така се заканувал по животот на Бакрачески.
Пред три месеци, Денесовски заработи кривична пријава и за обид за физичка пресметка со директорот на комуналното претпријатие Сашо Алчев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
