Нема бесење гаќи во Струга

Советот на општина Струга донел одлука за воспоставување комунален ред на подрачјето на целата општина

Целта на ваквата одлука, како што вели секретарот на општината Зоран Гулицоски, е да се воспостави комунален ред кој со години наназад е еден од напроблематичните сегменти во градот.

– Одредени делови на станбените објекти како што се терасите, балконите, влезните врати, прозорците и друго треба да бидат уредни и чисти, а нивните оштетувања мора да бидат поправени. Ова, за жал, во Струга го имаме кај стотина објекти кои се до ден-денес руинирани и поради оштетувањата и дотраеноста го нагрдуваат општиот изглед на улицата и населбата. Тие треба да се уредат или да се срушат, објаснува Гулицоски.

– На прозорците и балконите може да се чуваат само цвеќе, украсни билки на начин што не ја загрозуваат безбедноста. Исто така граѓаните коишто имаат живи огради, треба да ги одржуваат и да ги кастрат за да не се загрозува безбедноста на сообраќајот, додава Гулицоски.

– Против прекршителите на одредбите на Законот за комунални дејности, за комунална чистота и Законот за управување со води може да се поведе и прекршочна постапка пред надлежните институции, предупредува Гулицоски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.