Црна Гора доби меѓународен код за црногорскиот јазик

Црна Гора доби меѓународен код за црногорскиот јазик во рамките на ИСО 639 меѓународен стандард. Ознаката за црногорскиот јазик ќе биде ЦНР.

Одлуката е донесена од Обединетиот советодавен комитет за кодификација на јазикот, со седиште во Конгресната библиотека во Вашингтон.

Комитетот од Вашингтон не само што призна постоење на црногорски јазик туку и потврди дека црногорскиот јазик не е варијанта на српскиот јазик, како што претходно се мислеше. Значи, тој има лингвистичка препознатливост, истакна директорот на Националната библиотека на Црна Гора „Ѓурѓе Црнојевиќ“ од Цетиње, Богиќ Ракочевиќ.

Ознаката за црногорскиот јазик ќе биде ЦНР, на англиски „montenegrian“, на француски „montenegrin“ а во оргинал „црногорски језик“ на латиница и на кирилица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.