Документарниот филм „Хитлеровиот Холивуд“ од 7. декември во домашните киносали

Документарниот филм „Хитлеровиот Холивуд“, којшто ја објаснува германската кинематографија во ерата на пропагандата 1933-1945 од утре се прикажува во домашните киносали.

Германската кинематографија во ерата на пропагандата 1933-1945. Филмот „Хитлеровиот Холивуд“ режиран од Рудигер Сухсланд ја раскажува приказната за еден од најважните и драматични периоди во историјата на германското кино. Домашната публика ќе може да го погледне филмот од 7ми декември во киносалите низ републиката.

Филмот го поставува прашањето како овие филмови, вклучувајќи ги и нивните митови, нивните приказни, нивните отворени лаги и скриените вистини, влијаеле и влијаат врз иднината на историјата на германското кино? Киното на Третиот Рајх било строго контролирана индустрија, предмет на строга политичка и културна цензура. Истовремено, се стремело да биде „големо кино“; идеолошка и естетска алтернатива на Холивуд. Германска фабрика за соништа. Меѓу другото, го продуцира и нацистичкиот блокбастер „Минхојзен“, по барање на Јозеф Гебелс. Оваа индустрија го возпоставува системот на ѕвезди во филмскиот свет и се служи со најновите маркетинг алатки.

Околу 1000 играни филмови биле произведени во Германија помеѓу 1933 и 1945 година, а само неколку биле отворено нацистички пропагандни филмови. Во филмот ги гледаме овие филмови и луѓето зад нив. Како преку екраните успеале да бидат засадени во главите на гледачите стереотипите на „непријателот“ и вредностите за љубовта и омразата. Сухсланд е и автор на сценариото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.