„Метрополитен“ го суспендираше славниот Џејмс Ливајн за сексуален напад врз тинејџер

Раководството на њујоршката опера „Метрополитен” вчера ја прекина соработката со диригентот Џејмс Ливајн, кој е обвинет за сексуално злоставување.

Ливајн отпаѓа од програмата на претстојната сезона на операта и нема да учествува на никаков начин во нејзините активности, стои во соопштението на генералниот директор на „Метрополитен“, Питер Гелб.

Тој натаму нагласува дека раководството ќе спроведе „потполна и целосна истрага”.

Претходно, американските медиуми јавија дека неименуван маж од државата Илиноис го обвинува Ливајн за сексуални напади. Според сведоштвата, сексуалното злоставување започнало во 1985 година, кога диригентот имал 42 години, а жртва – 15. Нападите не престанувале со години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.