Автобусите на пробните линии до Средно Водно ќе возат на половина час

Автобусите на пробните линии до Средно Водно од викендов ќе возат по нов, зачестен возен ред и ќе тргнуваат на половина час.

Двете пробни линии 25А и 25Б беа воведени со цел да им се излезе во пресрет на граѓаните откако Град Скопје воведе забрана за движење на возила на патот до Средно Водно секој викенд и за време на празници.

Покрај овие две автобуски линии, граѓаните можат да ја користат и постојната автобуска линија, односно линијата со број 25 до Средно Водно.

Бесплатно паркирање ќе се користи во катната гаража на улицата Свети Кирил и Методиј и на паркингот кај Цветен пазар (Дом на печат).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.