Денес сончево, од утре обилни дождови

Времето во Македонија претпладне сончево, а попладне од запад облачноста ќе се зголемува. Ќе дува слаб до умерен јужен ветер.

Температурата ќе се движи од четири до 10 степени.

Во Скопје претпладне сончево, а попладне од запад облачноста ќе се зголемува. Ќе дува слаб до умерен јужен ветер. Температурата ќе достигне до седум степени.

Нов влажен бран со обилни врнежи од дожд ќе има од четврток до сабота. Најпрвин врнежите ќе бидат поинтензивни во западните делови, а од петок обилни врнежи се очекуваат речиси насекаде. Снег ќе има само на планините повисоки од 2000м.н.в. Во сабота врнежите ќе бидат проследени и со грмежи. Од целиот влажен бран се очекува на повеќе места да наврнат над 50 л/м2, а во крајните западни делови локално и над 100л/м2 дожд. Во четврток и во сабота на места ќе дува засилен јужен ветер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.