Во третиот квартал помалку новородени, повеќе бракови и разводи

Во третиот квартал годинава во Македонија имало 5.866 живородени деца, што во споредба со истиот период лани претставува намалување за 7,7 проценти, објави денеска Државниот завод за статистика.

Бројот на умрени лица во третото тримесечје годинава бележи зголемување од 3,4 проценти во споредба со истото тримесечје од минатата година и изнесува 4.823 лица, а од нив 64 се умрени доенчиња.

Природниот прираст изнесува 1.043 лица, што значи бројот на живородените деца е поголем за толку лица од бројот на умрените лица.

Во третиот квартал годинава се склучени 4.670 бракови, за 8,2 процента повеќе споредено со истиот период од минатата година. Регистрирани се 399 разведени бракови, односно за 27,1 процент во споредба со истиот период од 2016 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.