Јанис Бутарис: „Република Македонија“ беше грешка при изразување

Градоначалникот на Солун, Јанис Бутарис упати остри критики до оние кои го обвиниле за национално предавство бидејќи за време на посетата во Скопје го изговорил зборот „Македонија“.

За весникот „Катимерини“ градоначалникот објаснува дека било „грешка при изразување“ кога рекол „Република Македонија“, наместо изразот што Грција го користи за северниот сосед.

Бутарис нагласува дека нема да дозволи да биде оспоруван неговиот патриотизам. Тој вели дека ставот за северниот сосед е истиот што го има и грчкото Министерство за надворешни работи и оти на тоа останал и при средбите со високи претставници во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.