Фрлени бомби пред домовите на Срби кои се припадници на косовската полиција

Непознати лица изутринава фрлиле бомби врз куќите на двајца етнички Срби кои се припадници на Косовските безбедносни сили во Зубин Поток.

Според информациите бомбите биле фрлени околу два часот наутро. Во нападот нема повредени, но била предизвикана материјална штета, јави „Танјуг“.

Косовската полиција информира дека спроведува оперативен план наречен „челичен прстен“ чија цел е да се најдат осомничените за нападот.

Во август во истата општина беше фрлена бомба врз куќата на припадник на косовската полиција, а имаше и обид за палење на неговиот автомобил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.