И утрово се гушиме – висока концентрација на канцерогени честички во скопските општини

Утрово во 7 часот мерните станици на квалитетот на воздухот на Министерство за животна средина и просторно планирање покажаа висока загаденост на воздухот во скопските општини. Во Центар, Карпош, Лисиче и Гази Баба концентрацијата на канцерогените ПМ10 честички е на високо ниво, додека во Центар, уште помалите честички ПМ 2,5 е на многу високо ниво.

Мерењата покажуваат дека од 20 ноември секојдневно е во пораст загадувањето на воздухот, посебно со ПМ10 честичките, чија максимална средна дневна вредност е 50 микрограми на кубен метар. Така на пример, во Лисиче на 23 ноември надминувањето на прагот е за четири и пол пати над дозволеното и изнесувало 220 микрограми на кубен метар.

Извор: Макфакс

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.