Шилегов со метла ќе го растерува скопскиот смог

Градските власти денеска од општина Бутел ја почнуваат големата акција за чистење на улиците со цел намалување на загаденоста, која ќе се спроведува во сите скопски општини во период од дваесетина дена.

– Град Скопје во соработка со Агенцијата за вработување и Министерството за труд и социјална политика ангажира стотици невработени лица кои заедно со надлежните јавни претпријатија ќе ја спроведат оваа акција. Ова е една од краткорочните мерки против загадувањето на Скопје оваа зима, најави завчера на прес-конференција скопскиот градоначалник Петре Шилегов. На ангажирните лица ќе им биде обезбеден хонорар, надомест за храна и платен автобуски превоз.

Шилегов ќе ги „душка“, скопјани се гушат – Еве каква е загаденоста во вечерва

Според Шилегов, загадувањето се должи и на наталожената прашина на скопските улици која, како што рече, со години стои неисчистена.

– Секоја општина со целата своја механизација, заедно со градските јавни претпријатија и ангажираните лица ќе чисти во точно определени денови. Почнуваме од Бутел, а потоа ќе продолжиме во другите општини. Предвидени се по ден-два за секоја општина во зависност од нејзината големина. Откако ќе завршиме со чистењето на општините, ќе се чисти кејот на реката Вардар, рече Шилегов. Ги повика сите граѓани, општествено-одговорни компании, институции и невладини организации да се приклучат во акцијата за чисто и незагадено Скопје.

Акцијата за чистење на Скопје ќе се реализира секоја есен и пролет и предвидено е да стане традиционална.

Додека Шилегов гради традиција, параметрите покажуваат високо ниво на загаденос во Скопје дури и во 8 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.