Менаџерката на Тоше за прв пат го посети неговиот гроб во Крушево (фото)

Поранешната менаџерка на трагично загинатиот пејач Тоше Проески, по неговата смрт се повлече од естрадата и јавноста. Лилјана Петровиќ ретко се огласува, живее повлечено. Таа по несреќата се преселила во Ниш, каде што работи, но и ја лекува тагата.

Како што изјави пред еден месец, Лилјана ниту по десет години не собрала сила да оди на неговиот гроб.

Сè до вчера, кога се огласи на својот профил на Фејсбук со две фотографии со кои покажа дека го посетила гробот на непрежалениот Тоше.

Под фотографиите, Петровиќ напишала: „Мојата неодамнешна посета на Крушево“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.