Британскиот весник „Дејли мејл“ го шокира светот објавувајќи полициски извештај од 1986 година, во кој се наведува дека холивудскиот актер Силвестер Сталоне и неговиот телохранител Мајкл Де Лука силувале 16-годишна девојка.
Имено, во написот на „Дејли мејл“ стои дека 16-годишна девојка ги обвинила Силвестер Сталоне и неговиот телохранител Мајкл Де Лука за силување!
Инцидентот се случил во Лас Вегас, додека Сталоне, кој тогаш имал 40 години, го снимал филмот „Over the Top”. Неименуваната девојка тврди дека во јули 1986 година, со семејството, престојувала во хотелот во кој се снимал филмот, и тогаш го сретнала Сталоне и го замолила за автограм.
„Ми кажа дека сум одлично градена, и ме бакна во образ”, изјавила тинејџерката, која следниот ден повторно се појавила на сетот и тогаш ѝ пришол Де Лука и ја прашал што би направила ако Сталоне се обиде да ја заведе. Таа одговорила дека веројатно ќе го „прифати” заведувањето на актерот. Потоа, Де Лука ѝ дал клучеви од соба на 27-от кат на хотелот, и ѝ кажал да оди во апартманот на Сталоне.
Девојката го направила тоа, а пред собата ја дочекале Сталоне и Де Лука, со кои влегла внатре. Де Лука останал во бањата, а Сталоне во спалната соба имал секс со девојката. Потоа ја прашал дали некогаш имала секс со двајца мажи во исто време. Тинејџерката одговорила дека немала, а Сталоне отишол во бањата и се вратил со Де Лука. Тинејџерката во својата изјава наведува дека телохранителот ја натерал орално да го задоволува, за потоа да имаат секс. Во еден момент им се приклучил и Сталоне, кој ја фатил за глава и ја принудил на орален секс. Откако двајцата мажи доживеале оргазам, ѝ се заканиле на девојката дека „ќе ѝ ја скршат главата” ако каже што се случило. Според полицискиот извештај, иако била потресена и вознемирена, девојката не сакала да поднесе пријава против актерот и неговиот телохранител.
Пензионираниот детектив, Џон Самолович, чија единица во 1986 година била задолжена за овој случај, тврди дека извештајот што го поседува „Дејли мејл“ е оригинален и вистинит.
Од друга страна, портпаролката на Сталоне, Мишел Вега, вели дека извештајот е тотална измислица, и дека полицијата никогаш не контактирала со Сталоне во врска со какви било наводи за силување.
извор: Убавина и здравје
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
