Три автомобили биле опожарени вчеравечер во скопската населба Аеродром, во близина на местото, каде пред две недели беше убиен младиот Мартин Јанушев.
Според информацијата на МВР, вчера во околу 21.56 часот на улицата „23 Октомври“, од засега непознати причини, опожарени биле возилата „Фолксваген Шаран“, сопственост на А.Б. (33), „Пежо 308“, сопственост на А.Н. и „Форд Фиеста“, сопственост на А.Ј. (76).
Сите автомобили биле со скопски регистерски ознаки.
-Опожарените возила се изгаснати од страна на екипи на Бригада за противпожарна заштита. Увид на лице место ќе се изврши во текот на денешниот ден, стои во полициската информација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
