РНЛ шокиран доаѓа во Скопје, Мелсунген ги порази „лавовите“

Екипата на Рајн Некар Левен доживеа неочекуван пораз пред гостувањето кај Вардар во Скопје во рамки на Лигата на шампионите. Бундеслигашот во домашното првенство ја прекина победничката низа и испушти бодови против Мелсунген, кој славеше со 29-26 (15-13).

РНЛ беше во егал со противникот дваесетина минути, кога на семафорот стоеше 10-10. До крајот на полувремето домаќините дојдоа до предност (15-13), а во вториот дел, „лавовите“ константно бркаа предност која не успеаја да ја надополнат.

Највисоката предност Мелсунген ја имаше во два наврати кога водеше со пет гола (20-15 и 27-22). Најдобар стрелец беше Жулиус Кун со 9 гола, додека кај РНЛ, Енди Шмид даде осум гола. Нашиот Филип Талески остана без минутажа на оваа средба.

Извор: gol.mk

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.